Aaj TV News

BR100 4,570 Decreased By ▼ -108 (-2.31%)
BR30 17,697 Decreased By ▼ -927 (-4.98%)
KSE100 44,833 Decreased By ▼ -674 (-1.48%)
KSE30 17,652 Decreased By ▼ -274 (-1.53%)
COVID-19 TOTAL DAILY
CASES 1,338,993 5,472
DEATHS 29,037 8
Sindh 509,308 Cases
Punjab 455,499 Cases
Balochistan 33,744 Cases
Islamabad 112,557 Cases
KP 182,619 Cases

کراچی:کورونا کے باعث پاکستان پیپلز پارٹی نے 4اپریل کو راولپنڈی میں ہونے والا جلسہ منسوخ کردیا۔

پیپلز پارٹی کی جانب سے راولپنڈی میں 4 اپریل کو ہونے والا جلسہ منسوخ کردیا گیا ہے۔

جلسہ منسوخ کئے جانے کے حوالے سے پیپلز پارٹی کی رہنماءشہلا رضا نے سماجی رابطے کی ویب سائٹ ٹوئٹر پر اپنے ٹوئٹ میں بتایا کہ 4اپریل کو راولپنڈی میں ہونے والا جلسہ منسوخ کردیا گیا ہے، جس کی وجہ کورونا کی تیسری لہر کے بڑھتے پھیلاؤ بنی ہے۔

شہلا رضا نے اپنے ٹوئٹ میں مزید کہا کہ ایک جانب کورونا کا مریض بند کمرہ میں ترجمانوں کا اجلاس کرتا ہے اور دوسری جانب کھلے میدان میں جلسہ منسوخ کردیا گیا ہے، اس کے ساتھ ہی انہوں نے لکھا کوئی شرم ہوتی ہے کوئی حیا ہوتی ہے۔

وزیر صحت سندھ عذرا پیچوہو نے پنجاب میں زیادہ کورونا کیسز پر پیپلز پارٹی کے چیئرمین بلاول بھٹو زرداری کو جلسہ ملتوی کرنے کی تجویز دی تھی۔

یاد رہے کہ پیپلزپارٹی نےسابق وزیراعظم ذوالفقارعلی بھٹوکی برسی پرراولپنڈی میں جلسے کااعلان کیاتھا۔

راولپنڈی میں جلسے سے سندھ میں کورونا پھیلنے کا خدشہ ،بلاول کو آگاہ کردیا گیا

دوسری جانب سندھ کے محکمہ صحت نے راولپنڈی میں جلسے کی وجہ سے صوبے میں کورونا پھیلنے کا خدشہ ظاہر کردیا۔ محکمہ صحت سندھ نے پیپلز پارٹی کے چیئرمین بلاول بھٹو زرداری کو آگاہ کیا ہےکہ 4 اپریل کو راولپنڈی میں پیپلز پارٹی کے جلسے سے سندھ میں کورونا پھیلنے کے خدشات ہیں۔

بلاول بھٹو کو بتایاگیا ہے کہ راولپنڈی میں کورونا کا پھیلاؤ 17 اور سندھ میں 2 فیصد ہے اس لئے راولپنڈی میں 4 اپریل کا جلسہ ہوا تو سندھ بھی کورونا کی لپیٹ میں آسکتا ہے۔

صوبائی محکمہ صحت نے مشورہ دیا ہے کہ سابق وزیراعظم ذوالفقار علی بھٹو کی برسی پر راولپنڈی کا جلسہ منسوخ کرنا بہتر ہوگا۔