Aaj TV News

BR100 4,668 Increased By ▲ 50 (1.09%)
BR30 20,892 Increased By ▲ 107 (0.52%)
KSE100 44,822 Increased By ▲ 488 (1.1%)
KSE30 17,521 Increased By ▲ 178 (1.03%)
COVID-19 TOTAL DAILY
CASES 1,264,384 720
DEATHS 28,269 17
Sindh 465,486 Cases
Punjab 437,793 Cases
Balochistan 33,120 Cases
Islamabad 106,445 Cases
KP 176,774 Cases

لاہور :احتساب عدالت نے مسلم لیگ (ن)کے رہنما ءخواجہ آصف کیخلاف آمدن سے زائد اثاثہ جات کیس کی سماعت 8اپریل تک ملتوی کردی اورآئندہ سماعت پر خواجہ آصف کو پیش کرنے کا حکم دے دیا۔

لاہورکی احتساب عدالت کے ایڈمن جج جواد الحسن نے لیگی رہنما ءخواجہ آصف کیخلاف آمدن سے زائد اثاثہ جات کیس کی سماعت کی۔

جیل حکام نے میڈیکل رپورٹ پیش کی جس میں بتایا گیا کہ خواجہ آصف بیماری کے باعث اسپتال میں داخل ہیں اس لئے پیش نہیں کیا جاسکا۔

عدالت نے قرار دیا کہ یہ کوئی بات نہیں کہ ایک بڑا آدمی ملزم بن گیا ہے تو کورونا کی وجہ سے پیش نہیں کیا۔

احتساب عدالت نے استفسار کیا کہ خواجہ آصف کا ریفرنس کب فائل کیا جائے گا،جس پر تفتیشی نے بتایا کہ ریفرنس کے حوالے سے تیاری جاری ہے۔

عدالت نے اظہار برہمی کرتے ہوئے کہا کہ کیا نیب کو25 سال لگیں گے پروسس مکمل کرنے کیلئے ،عدالتوں کو مذاق مت بنائیں، لگتا ہے معاملات طے پا گئے ہیں، چیئرمین نیب جلد از جلد خواجہ آصف کے کیس کا ریفرنس دائر کریں۔

عدالت نے کیس کی سماعت 8 اپریل تک ملتوی کرتے ہوئے حکم دیا کہ آئندہ سماعت پر خواجہ آصف کو جیل سے یااسپتال سے لاکر عدالت پیش کیا جائے۔

خواجہ برادران کیخلاف پیراگون ہاؤسنگ اسکینڈل کیس کی سماعت 3اپریل تک ملتوی

لاہور :احتساب عدالت نے خواجہ برادران کیخلاف پیراگون ہاؤسنگ اسکینڈل کیس کی سماعت 3اپریل تک ملتوی کردی۔

لاہور کی احتساب عدالت کے جج جواد الحسن نے پیراگون ہاؤسنگ اسکینڈل کیس کی سماعت کی،خواجہ سعد رفیق اور سلمان رفیق عدالت کے روبرو پیش ہوئے۔

عدالت نے ملزمان کی حاضری مکمل کرتے ہوئے خواجہ سعد رفیق کو عدالت جلد پہنچنے کی ہدایت کی جبکہ کورونا کا شکار ہونے کے باعث گواہ محمد بخش کو عدالت میں پیش نہ کیا جاسکا۔

نیب پراسیکیوٹر نے کورونا سے متعلق گواہ کی میڈیکل رپورٹ عدالت میں پیش کی۔

عدالت نے کیس کی سماعت 3اپریل تک ملتوی کرتے ہوئے آئندہ سماعت پر گواہان کو طلب کرلیا۔