Aaj TV News

BR100 4,668 Increased By ▲ 50 (1.09%)
BR30 20,892 Increased By ▲ 107 (0.52%)
KSE100 44,822 Increased By ▲ 488 (1.1%)
KSE30 17,521 Increased By ▲ 178 (1.03%)
COVID-19 TOTAL DAILY
CASES 1,264,384 720
DEATHS 28,269 17
Sindh 465,486 Cases
Punjab 437,793 Cases
Balochistan 33,120 Cases
Islamabad 106,445 Cases
KP 176,774 Cases

اسلام آباد:کورونا کا شکارگواہ احتساب عدالت میں پہنچ گیا ، گواہ نے عدالت میں انکشاف کیا تو دوڑیں لگ گئیں ، کمرہ عدالت خالی کروا کر اسپرے کیا گیا ، عدالت میں جاری تمام سماعتیں بھی روک دی گئی۔

نیب کے گواہ نے احتساب عدالت اسلام آباد میں ہلچل مچا دی، کورونا سے متاثر ہونے کے باجود عدالت پہنچ گیا۔

احتساب عدالت اسلام آباد کے جج اعظم خان کی عدالت میں نیب ریفرنس کی سماعت جاری تھی کہ نیب گواہ امیر حیدر ملک پیش ہوئے۔

گواہ امیر حیدرنے عدالت سے استدعا کی کہ بیمار ہوں ،جلد بیان ریکارڈ کر کے جانے کی اجازت دی جائے ،جس پر جج نے بیماری کی نوعیت پو چھتی تو امیر حیدر نے یہ بتا کر سب کو حیران کردیا کہ کورونا مثبت ہوں اورآئیسولیشن سے اٹھ کرآیا ہوں۔

گواہ کےانکشاف پر عدالت میں کھلبلی مچ گئی، جج اور وکلاء سمیت سماعت میں موجود تمام افراد کمرے سے باہر نکل آئے، کمرہ عدالت نمبر 2میں ہنگامی بنیادوں پراسپرے کیا گیا ۔

کورونا متاثرہ گواہ کو جوڈیشل کمپلیسگ سے جانے کی ہدایت کی گئی اس سے قبل اسی عدالت میں شاہد خاقان عباسی بھی پیش ہوئے ۔