Aaj TV News

BR100 4,510 Decreased By ▼ -161 (-3.45%)
BR30 17,849 Decreased By ▼ -985 (-5.23%)
KSE100 44,088 Decreased By ▼ -1282 (-2.82%)
KSE30 17,038 Decreased By ▼ -537 (-3.06%)
COVID-19 TOTAL DAILY
CASES 1,285,631 377
DEATHS 28,745 8
Sindh 476,017 Cases
Punjab 443,240 Cases
Balochistan 33,488 Cases
Islamabad 107,765 Cases
KP 180,146 Cases

جاپان کے ساحلی علاقے میاگی میں 7.2 شدت کے زلزلے کے جھٹکے محسوس کیے گئے جس کے بعد سونامی الرٹ جاری کردیا گیا۔

عالمی خبر رساں ادارے کے مطابق جاپان کے جزیرے ہونشو کے علاقے میاگی فریکچر میں 7.2 شدت کے زلزلے سے خوف و ہراس پھیل گیا اور سونامی سے خوفزدہ لوگ گھروں سے دوڑتے ہوئے باہر نکل آئے۔ جاپان کی میٹرولوجیکل ایجنسی نے 7.2 شدت کے زلزلے کے بعد سونامی الرٹ جاری کردیا ہے، میاگی فریکچر کے رہائشیوں کو علاقہ چھوڑنے کی ہدایات جاری کر دی گئیں۔

زلزلے کا مرکز میاگی کے سمندر کی 60 کلومیٹر گہرائی میں تھی، ہسپتالوں میں ایمرجنسی نافذ کردی گئی ہے جب کہ ریسکیو اور میونسپلٹی اداروں کے اہلکاروں کو طلب کرلیا گیا ہے۔ رہائشیوں کو محفوظ مقام پر منتقل کیا جا رہا ہے۔ زلزلے کے جھٹکے ٹوکیو میں بھی محسوس کیے گئے، مقامی میڈیا کے مطابق میاگی سے تاحال کسی نقصان کی اطلاع موصول نہیں ہوئی اور مقامی انتظامیہ اس علاقے میں قائم جوہری پلانٹ کی صورتحال کا جائزہ لے رہی ہے۔

میاگی کا یہ علاقہ جاپان میں زلزلے کا ایپی سینٹرمانا جاتا ہے، ابھی گذشتہ ماہ بھی اسی علاقے کو زلزلے کے شدید جھٹکوں نے ہلا کر رکھ دیا تھا اور اس کے نتیجے میں درجنوں افراد زخمی ہوئے تھے۔ زلزلے سے میاگی، فوکوشیما، ایباراکی، توگیگی، سیتا اما اور چیبا میں 100 سے زائد افراد زخمی ہوئے تاہم کوئی ہلاکت نہیں ہوئی تھی۔اُس وقت محکمہ موسمیات نے سونامی الرٹ جاری نہیں کیا تھا۔

واضح رہے کہ 11 مارچ 2011 میں جاپان میں دنیا کا چوتھا بڑا زلزلہ آیا تھا جس کی شدت 9.1 محسوس کی گئی تھی جس کے نتیجے میں آنے والی سونامی سے 15 ہزار سے زائد افراد ہلاک ہوئے تھے۔