Aaj TV News

BR100 4,623 Increased By ▲ 6 (0.12%)
BR30 17,917 Increased By ▲ 191 (1.08%)
KSE100 45,078 Decreased By ▼ -5 (-0.01%)
KSE30 17,793 Decreased By ▼ -35 (-0.2%)
COVID-19 TOTAL DAILY
CASES 1,402,070 8,183
DEATHS 29,192 30
Sindh 535,965 Cases
Punjab 471,925 Cases
Balochistan 34,187 Cases
Islamabad 123,648 Cases
KP 189,300 Cases

راولپنڈی:پاک فوج کے ترجمان میجر جنرل بابر افتخار کا کہنا ہے کہ فوج کا سیاست سے کوئی تعلق نہیں،اسے سیاست میں مت گھسیٹیں ،کسی سے کسی قسم کا کوئی بیکڈور رابطہ نہیں ،بھارت کا خطے ميں منفی رول ہے پاکستانی ساکھ متاثرکرنے کی کوشش کی۔

ڈی جی آئی ایس پی آرمیجر جنرل بابر افتخار نے ایک بیان میں کورونا سے متعلق کہا ہے کہ سب کو معلوم ہے کوروناایک عالمی وباء ہے ،جس سےپاکستان سمیت پوری دنیا متاثرہوئی ہے،کورونا پاکستان میں بھی ایک مسئلہ بن گیا تھا،کوروناسےنمٹنےمیں اصل ہیروفرنٹ لائن ہیلتھ ورکرزہیں،جنہیں پہلے ویکسین لگانے کا فیصلہ کیا گیا،قوم نےکوروناکابہت اچھےطریقےسےمقابلہ کیا۔

بھارت کے حوالے سے بات کرتےہوئے ترجمان پاک فوج نے کہا کہ بھارت دہشتگردی کےمعاملےمیں بےنقاب ہوگیا،ہم نےڈوزئیر پوری دنیا کےسامنےرکھے،پریس کانفرنس میں بھارت سےمتعلق ثبوت دیئے،بھارت نے پاکستان کی ساکھ متاثرکرنے کی کوشش کی،بھارت کا خطے میں منفی کردار ہے۔

میجرجنرل بابر افتخار نے مزید کہا کہ فوج کا سیاست سے کوئی تعلق نہیں ، سیاست میں مت گھسیٹیں ،اگرکسی کےپاس فون کرنےکےثبوت ہیں توسامنےلائیں،کسی سے کسی قسم کا کوئی بیک ڈوررابطہ نہیں،اس قسم کی قیاس آرائیاں بند ہونی چا ہییں اور بغیر تحقیق اس بارے میں بات کرنا کسی کو بھی سوٹ نہیں کرتا۔

کے ٹو پر لاپتہ کوہ پیماؤں کے حوالے سے ڈی جی آئی ایس پی آر کا کہنا تھا کہ علی سدپارہ قوم کے ہیروہیں ،علی سدپارہ،دیگرکوہ پیما گزشتہ72گھنٹےسے لاپتہ ہیں،پاکستان آرمی ریسکیو آپریشن کررہی ہے،حدسےآگے جاکرریسکیوآپریشن کررہےہیں۔