Aaj TV News

BR100 4,570 Decreased By ▼ -108 (-2.31%)
BR30 17,697 Decreased By ▼ -927 (-4.98%)
KSE100 44,833 Decreased By ▼ -674 (-1.48%)
KSE30 17,652 Decreased By ▼ -274 (-1.53%)
COVID-19 TOTAL DAILY
CASES 1,338,993 5,472
DEATHS 29,037 8
Sindh 509,308 Cases
Punjab 455,499 Cases
Balochistan 33,744 Cases
Islamabad 112,557 Cases
KP 182,619 Cases

راولپنڈی :جنوبی افریقا کیخلاف راولپنڈی ٹیسٹ کے دوسرے روز پاکستان ٹیم پہلی اننگزمیں 272رنزبنا کرآؤٹ ہوگئی۔

راولپنڈی میں کھیلے جارہے دوسرے اور آخری ٹیسٹ میں دوسرےروزقومی ٹیم نے 145رنز3کھلاڑی آؤٹ سے اننگز آگے بڑھائی توپہلےبابراعظم اورپھر فوادعالم جلدآؤٹ ہوگئے،بابراعظم نے77اورفواد عالم نے 45رنزبنائے۔

فہیم اشرف جنوبی افریقی بولرزکےسامنےڈٹ گئے،رضوان،حسن علی اوریاسرشاہ کے ساتھ چھوٹی چھوٹی پارٹنرشپ لگا کر ٹیم کا اسکور آگے بڑھاتےرہے۔

محمد رضوان18،حسن علی ،یاسر شاہ اور نعمان علی 8،8رنزبناسکے جبکہ فہیم اشرف نے ٹیسٹ کیرئیرکی چوتھی ففٹی بنائی،فہیم اشرف 78رنزبنا کرناٹ آؤٹ رہے۔

مہمان ٹیم کی جانب سے انرچ نورجے نے شاندار بولنگ کا مظاہر کرتے ہوئے 5 اور کیشومہاراج نے 3کھلاڑیوں کو پویلین کی راہ دکھائی۔

یاد رہے کہ راولپنڈی ٹیسٹ کے پہلے روز پاکستان نے ٹاس جیت کر پہلے بیٹنگ کا فیصلہ جو زیادہ سود مند ثابت نہ ہوا اور قومی ٹیم کے ابتدائی 3بلے باز صرف 22 رنز پر پویلین لوٹ گئے، جس کے بعد بابراعظم اور فواد عالم نے ذمہ دارانہ بیٹنگ کا مظاہرہ کرتے ہوئے ٹیم کا اسکور آگے بڑھایا۔