Aaj TV News

BR100 4,481 Decreased By ▼ -190 (-4.08%)
BR30 17,649 Decreased By ▼ -1186 (-6.29%)
KSE100 43,789 Decreased By ▼ -1580 (-3.48%)
KSE30 16,902 Decreased By ▼ -674 (-3.84%)
COVID-19 TOTAL DAILY
CASES 1,285,631 377
DEATHS 28,745 8
Sindh 476,017 Cases
Punjab 443,240 Cases
Balochistan 33,488 Cases
Islamabad 107,765 Cases
KP 180,146 Cases

اسلام آباد:کراچی اور اسلام آباد سے کینیڈا جانے والی پی آئی اے کی پروازوں پر تعینات 2فضائی میزبان کینیڈاپہنچنے پر مبینہ طور پر غائب ہو گئے ، انتظامیہ نے کینیڈین ایمیگریشن اتھارٹی کو آگاہ کرتے ہوئے خود بھی معاملے کی کھوج لگانا شروع کر دی۔

پی آئی اے باکمال لوگ لاجواب سروس ،ایک کے بعد دوسری کینیڈا جانے والی پی آئی اے کی پروازوں سے فضائی میزبان مبینہ طور پر غائب ہوئے۔

زاہدہ بلوچ نامی ایئر ہوسٹس 29 جنوری کو کراچی سے ٹورنٹو کی پرواز پی کے797 پر تعینات تھی جبکہ رمضان گل نامی فلائٹ اسٹیورڈ بھی29 جنوری کو مبینہ طور پر غائب ہوا،یہ فلائٹ بھی 29 جنوری کو اسلام آباد سے ٹورنٹو پہنچی تھی۔

ترجمان پی آئی اے کا کہنا ہے کہ فضائی میزبان جنرل ڈکلیئریشن پر کینیڈا جاتے ہیں، ان کیخلاف ضابطے کی کارروائی عمل میں لائی جائے گی، کینیڈین ایمیگریشن اتھارٹی کو بھی گمشدگی سے متعلق آگاہ کر دیا ہے۔

ترجمان کے مطابق واپسی پر ایک بندے کی کمی پر کینیڈین امیگریشن کو اطلاع کرنا لازمی ہوتا ہے۔