Aaj.tv Logo

اسلام آباد:وفاقی حکومت نے سینیٹ انتخابات اوپن بیلٹ سے کرانے کیلئے آئینی ترمیمی مسودے کی تیاری شروع کردی اور پارلیمنٹ کی متعلقہ کمیٹیوں کو ہدایت جاری کردی ۔

وفاقی حکومت نے سینیٹ کے الیکشن کیلئے اوپن بیلٹ کے معاملے پر مسودہ آئینی ترمیم کی تیاری شروع کردی ،مسودہ ترمیم کی تیاری کیلئے پارلیمنٹ کی متعلقہ کمیٹیوں کو ہدایت کردی گئیں۔

چیف وہیپ عامرڈوگر کے مطابق مسودہ قومی اسمبلی کے رواں یا اگلے اجلاس میں پیش کیا جا سکتا ہے تاہم حکومت کو آئینی ترمیم کی منظوری کیلئے دوتہائی اکثریت درکار ہے ۔

وفاقی کابینہ نے منگل کے روز اجلاس میں پارلیمنٹ سے رجوع کرنے کا عندیہ دیا تھا، وفاقی حکومت نے اسی معاملہ پر سپریم کورٹ میں بھی ریفرنس دائرکر رکھا ہے۔