Aaj TV News

BR100 4,570 Decreased By ▼ -108 (-2.31%)
BR30 17,697 Decreased By ▼ -927 (-4.98%)
KSE100 44,833 Decreased By ▼ -674 (-1.48%)
KSE30 17,652 Decreased By ▼ -274 (-1.53%)
COVID-19 TOTAL DAILY
CASES 1,338,993 5,472
DEATHS 29,037 8
Sindh 509,308 Cases
Punjab 455,499 Cases
Balochistan 33,744 Cases
Islamabad 112,557 Cases
KP 182,619 Cases

اسلام آباد:وزیراعظم عمران خان نے ترقی پذیر ملکوں کیلئے کورونا ویکسین کی فراہمی کا مطالبہ کردیا، انہوں نے دنیا کے سامنے 5نکات رکھے اور کہا کہ ان نکات پر عمل پیرا ہوکر دنیا میں ترقی کا مقررہ ہدف حاصل کیا جاسکتا ہے۔

اقوام متحدہ کی ٹریڈ اینڈ ڈویلپمنٹ کانفرنس کے چوتھے سیشن سے ویڈیولنک کے ذریعے خطاب میں وزیر اعظم عمران خان نے کورونا سے نمٹنےکیلئے عالمی طاقتوں کو 5تجاویز دے دیں۔

آن لائن سیشن سے خطاب میں عمران خان نے کہا کہ دنیا اس وقت عوامی صحت اور معاشی بحرانوں کی زد میں ہے ،اگرچہ کورونا وائرس امیر اور غریب کے درمیان کوئی امتیاز نہیں کرتا ہے تاہم غریب ممالک اور معاشی طور پر پست عوام کو اس وبا سے زیادہ نقصانات کا سامنا کرنا پڑ رہا ہے جس سے دنیا کی غریب آبادی میں اضافے کا خدشہ ہے ۔

وزیر اعظم نے وبا ءسے نمٹنے اور انسداد غربت سے متعلق پاکستان کے اقدامات بیان کرتے ہوئے مطالبہ کیا ہے کہ غربت کے خاتمے کیلئے عالمی سطح پر مربوط کوششوں کی ضرورت ہے ، ترقی یافتہ ممالک میں کورونا ویکسین لگائی جا رہی ہے تاہم غریب ممالک کو ویکسین کی فراہمی میں زیادہ وقت درکار ہے ۔

عمران خان نے مزید کہا کہ کورونا کے باعث ترقی پذیرملکوں کو قرض کی ادائیگی میں مشکلات کا سامنا ہے ،وباءکے خاتمے تک قرضوں کو ری شیڈول اور معطل کیا جائے، کرپشن سے لوٹی گئی رقم متعلقہ ملکوں کو واپس کی جائے۔