Aaj TV News

BR100 4,874 Decreased By ▼ -45 (-0.92%)
BR30 25,236 Decreased By ▼ -342 (-1.34%)
KSE100 45,363 Decreased By ▼ -366 (-0.8%)
KSE30 18,884 Decreased By ▼ -101 (-0.53%)

لاہور میں چند ماہ قبل نامعلوم افراد کے ہاتھوں تاجر رمضان کے قتل کا ڈراپ سین ہوگیا، قاتل کوئی اور نہیں تاجر کا بیٹا ہی نکلا جس نے جائیداد کی خاطر اپنے ہی باپ کو اجرتی قاتلوں سے موت کے گھاٹ اتروایا۔ پولیس نے مقتول کے بیٹے سمیت دیگر ملزمان کو گرفتار کرلیا۔

لاہور کے علاقے چوہنگ میں چند ماہ قبل تاجر رمضان کو نامعلوم افراد نے قتل کیا تھا اور اس واقعہ کا مقدمہ مقتول کے بیٹے عدنان کی مدعیت میں درج کیا گیا۔

پولیس نے تفتیش کیلئے سی سی ٹی وی فوٹیج کی مدد سے مقتول کے بیٹے کو بھی شامل تفتیش کیا تو تمام معاملہ کھل کر سامنے آگیا۔

پولیس ذرائع کے مطابق بیٹے نے جائیداد کی خاطر باپ کو شوٹرز کی مدد سے قتل کروایا۔ ملزم عدنان نے دو شوٹرز کو 12 لاکھ روپے پر اپنے باپ کو قتل کرنے پر راضی کیا۔ شوٹرز کو پانچ لاکھ ایڈوانس دیئے اور باقی رقم کام ہونے کے بعد ادا کی گئی۔

واردات کیلئے ملزمان نے 35 ہزار روپے کا پستول بھی خریدا تھا، پولیس نے بیٹے عدنان سمیت دونوں شوٹرز اور اسلحہ بیچنے والے ملزم کو گرفتار کرکے قانونی کارروائی کا آغاز کر دیا ہے۔