لیگی ترجمان مریم اورنگزیب نے کہا ہے کہ براڈ شیٹ نے ایک آمر اور ایک سلیکٹڈ کے خلاف چارج شیٹ دی ۔ براڈ شیٹ کے انکشافات کے بعد شہزاد اکبر متنازع ہوچکے ۔

لیگی ترجمان مریم اورنگزیب نے تنقید کرتے ہوئے سوال اٹھایا کہ شہزاد اکبر کس قانون کے تحت براڈشیٹ سے مذاکرات کررہے تھے؟ میں ان کو ڈرانے ان کے خوابوں میں آؤں گی۔

ان کا کہنا تھا کہ براڈ شیٹ نے آمر اور سلیکٹڈ کیخلاف چارج شیٹ دی، براڈ شیٹ کے انکشافات کے بعد شہزاد اکبر متنازع ہوچکے۔

مریم اورنگزیب کا کہنا تھا کہ عمران خان اپنی کرسی اور اختیارات کا ناجائز فائدہ اٹھارہے ہیں، اُنہیں این آر او کسی صورت نہیں ملے گا۔