ٹیسٹ کرکٹر سمیع اسلم پاکستان چھوڑ گئے، قومی ٹیم سے نظر انداز کئے جانے پر انہوں نے پاکستان چھوڑ امریکہ میں مستقل سکونت اختیار کرنے کا فیصلہ کیا ہے۔

تفصیلات کے مطابق سمیع اسلم نے مایوس ہو کر امریکہ میں رہنے کا فیصلہ کیا ہے، ڈومیسٹک میں اچھا پرفارم کرنے کے باوجود دوسرے کھلاڑیوں کو اُن پر ترجیح دی جا رہی ہے۔

سمیع اسلم نے کہا کہ بوجھل دل کے ساتھ امریکہ پہنچا ہوں، پاکستان چھوڑنا آسان نہیں تھا۔

انہوں نے مزید کہا کہ کرکٹ ان کی روٹی روزی ہے، پاکستان میں مستقبل نظر نہیں آرہا تھا لہذا اپنا گھر بھی چلانا ہے۔ امید ہے کہ وہ امریکہ میں مستقبل بنانے میں کامیاب ہونگے۔

بلے باز نے مزید کہا کہ 2 سال 10 ماہ بعد امریکہ کی جانب سے کھیلنے کا اہل ہو جاؤں گا، معاہدہ اچھا ہے، ابھی ڈومیسٹک کرکٹ کھیلوں گا۔

سمیع اسلم کو 2014 کے انڈر 19 ورلڈ کپ میں پاکستان ٹیم کی قیادت کرنے کا اعزاز حاصل ہے۔