فلپائن سے تعلق رکھنے والی خاتون نے دعویٰ کیا ہے کہ انہوں نے پانی میں ڈوب کر مرنے والے شخص کی روح نکلنے کے مناظر عکس بند کر لئے ہیں۔

دی سن کی رپورٹ کے مطابق شینل گوئیٹریز نامی خاتون کا دعویٰ ہے کہ ویڈیو میں نظر آنے والا سفید ہیولا پانی میں ڈوب کر مرنے والے شخص کی روح ہے جو جسم سے نکل کر دوسری طرف جاتی نظر آرہی ہے۔

یہ واقعہ 21 نومبر کو فلپائن کے صوبے ڈاوا ڈیل نورٹ میں پیش آیا جہاں ایک شخص دریا کنارے چہل قدمی کررہا تھا اور پھر پانی میں گر گیا۔

مرنے والے شخص کی شناخت ڈونڈن کے نام سے ہوئی جو اپنے کتے کو بچانے کے دوران پانی میں گر گیا تھا۔