Aaj TV News

BR100 4,979 Decreased By ▼ -47 (-0.94%)
BR30 24,460 Decreased By ▼ -313 (-1.26%)
KSE100 46,636 Decreased By ▼ -284 (-0.61%)
KSE30 18,480 Decreased By ▼ -178 (-0.95%)
COVID-19 TOTAL DAILY
CASES 1,218,749 2,928
DEATHS 27,072 68
Sindh 448,658 Cases
Punjab 419,423 Cases
Balochistan 32,707 Cases
Islamabad 103,720 Cases
KP 170,391 Cases

ماہرین آثار قدیمہ نے حضرت عیسیٰ علیہ السالم کا گھر دریافت کرنے کا دعویٰ کیا ہے۔

ماہرین کے مطابق دریافت ہونے والے اس گھر میں حضرت عیسیٰ علیہ السّلام نے پرورش پائی تھی۔ پہلی صدی عیسوی میں قائم ہونے والا یہ گھر اب بھی اچھی حالت میں موجود ہے۔

رپورٹ کے مطابق ماہرین آثار قدیمہ نے حضرت عیسیٰ علیہ السّلام کے گھر کی دریافت کو تاریخ انسانی کا اہم ترین کارنامہ قرار دیا ہے۔ یہ گھر اسرائیل کے شہر ناصرہ میں موجود ہے۔

بتایا گیا ہے کہ اس گھر پر صدیوں پہلے ایک چرچ بن چکا ہے، تاہم سالوں کی تحقیق اور عرق ریزی کے بعد ماہرین بالاخر اس کو ڈھونڈنے میں کامیاب رپے۔

حضرت عیسیٰ علیہ السّلام کا گھر دریافت کرنے والی ٹیم کے روح رواں برطانیہ سے تعلق رکھنے والے پروفیسر کین ڈارک ہیں، انہوں نے اس تاریخی کام پر 2006ء میں کام شروع کیا تھا۔

ماہرین آثار قدیمہ نے اپنی تحقیق میں ثابت کیا ہے کہ اس رہائش گاہ کو پہلی صدی میں تعمیر کیا گیا تھا۔ تاہم انہوں نے کہا آیا یہ گھر حضرت عیسیٰ علیہ السّلام کا ہے یا نہیں؟ اس بارے میں شک کی گنجائش موجود ہے لیکن اس بات میں کوئی ابہام نہیں کہ یہ رہائش گاہ پہلی صدی عیسوی میں ہی بنائی گئی تھی۔

خیال رہے کہ برطانوی ماہر آثار قدیمہ کی جانب سے جس چرچ کو حضرت عیسیٰ علیہ السّلام کا گھر قرار دینے کا دعویٰ کیا گیا ہے، وہ اسرائیل کے شہر ناصرہ کا مشہور سسٹرز آف ناصرہ کانونٹ ہے۔

اس چرچ کی خاص بات یہ ہے کہ اسے ایک قدرتی غار میں تعمیر کیا گیا ہے۔ پروفیسر کین ڈارک کا کہنا ہے کہ یہی غار دراصل حضرت عیسیٰ علیہ اسلام کا گھر تھی جہاں انہوں نے اپنی زندگی کے ابتدائی ایام میں پرورش پائی تھی۔ سسٹرز آف ناصرہ کانونٹ نامی اس چرچ کو رومی سلطنت کے دور میں تعمیر کیا گیا تھا۔