Aaj News

جمعہ, مارچ 29, 2024  
18 Ramadan 1445  

مائیکرو سافٹ ٹیمز میں 24 گھنٹے مفت ویڈیو کال کی سہولت متعارف

مائیکروسافٹ ٹیمز نے 24 گھنٹے طویل مفت ویڈیو کال کی سہولت متعارف...
شائع 23 نومبر 2020 08:57am
سائنس

مائیکروسافٹ ٹیمز نے 24 گھنٹے طویل مفت ویڈیو کال کی سہولت متعارف کرادی ہے۔

دی ورج کی رپورٹ کے مطابق مائیکرو سافٹ ٹیمز میں اب ڈیسک ٹاپ اور ویب صارفین 24 گھنٹے کی ویڈیو کالز کرسکیں گے۔

اس کے لیے بس میزبان کو مائیکرو سافٹ اکاؤنٹ کی ضرورت ہوگی، جس کے بعد وہ 300 افراد کو اس کال کا حصہ بناسکے گا۔

اگر میزبان کسی وجہ سے بات نہیں کرسکتا تو وہ میٹنگ کو ایسے ہی چھوڑ سکتا ہے تاکہ دیگر افراد گفتگو کا سلسلہ گھنٹوں تک جاری رکھ سکیں۔

300 میں سے اسکرین پر 49 افراد نظر آئیں گے اور مائیکرو سافٹ کو توقع ہے کہ ٹوگیدر موڈ نامی فیچر سے لوگوں کو کم تنہائی کا احساس ہوگا۔

یہ مائیکرو سافٹ کی جانب سے کووڈ 19 کی وبا کے دوران اپنی کسی ویڈیو چیٹ ایپ کے حوالے سے لوگوں کی توجہ حاصل کرنے کی پہلی کوشش نہیں۔

اس سے قبل مائیکرو سافٹ کی زیرملکیت سروس اسکائپ میں لاگ ان فری میٹنگ فیچر کورونا کی وبا کے ابتدائی دنوں میں متعارف کرائی تھی۔

مگر ٹیمز میں نئی سہولت زیادہ اہمیت رکھتی ہے، خاص طور پر کورونا وائرس کی دوسری لہر کے دوران ویڈیو چیٹ کی شرح میں ایک بار پھر اضافہ ہورہا ہے جبکہ امریکا اور یورپ میں کرسمس کی تعطیلات کے دوران لوگ ایک دوسرے سے رابطے کے لیے اس طرح کی سروسز کا استعمال کریں گے۔

اس سے قبل زوم نے بھی ٹھینکس گیونگ کے موقع پر 40 منٹ کی مفت ویڈیو کال کو عارضی طور پر ختم کرنے کا اعلان کیا تھا۔

Comments are closed on this story.

تبصرے

تبولا

Taboola ads will show in this div