انسٹاگرام پر ڈیٹا کے تحفظ میں ناکامی کے باعث فیس بک کو بڑی تحقیقات کا سامنا ہے۔

تفصیلات کے مطابق انسٹاگرام پر 18 سال سے کم عمر بچوں کے ای میل ایڈریس اور فون نمبرز کو پبلک کرنے کی اجازت کے الزام میں فیس بک کو بڑی تحقیقات کا سامنا ہے۔

آئرلینڈ کے ڈیٹا پروٹیکشن کمشنر نے انسٹاگرام کے خلاف بچوں کے ڈیٹا کے تحفظ میں مبینہ ناکامی پرانکوائری شروع کردی۔

واضح رہے کہ سوشل میڈیا ایپ کی مالک کمپنی فیس بک پر اگر رازداری کے قوانین کی خلاف ورزی کا الزام ثابت ہو جاتا ہے تو اسے بھاری جُرمانے کا سامنا کرنا پڑ سکتا ہے۔