وزیرمملکت موسمیاتی تبدیلی زرتاج گل نے رنگت کو گورا کرنے والی کریموں کوجلد اورصحت کےلئے خطرناک قرار دے دیا۔

اسلام آباد میں میڈیا سے گفتگوکرتے ہوئے وزیرمملکت موسمیاتی تبدیلی زرتاج گل کا کہنا تھا کہ ایک سال پہلے وعدہ کیا تھا کے مرکری کے حوالے سےبات کرینگے۔59 کریموں کالیب ٹیسٹ کیا گیا تھا۔ہرکریم میں مرکری کا استعمال ہورہا ہے جو خطرناک ہے۔مرکری فری بی پی آپریٹس اور مرکری فری تھرمامیٹر بھی بہت سےاسپتالوں میں متعارف ہوچکا ہے۔پاکستان پہلا ملک ہوگا جو مرکری فری ہوگا۔گولڈ مائنز میں بھی مرکری کا استعمال ہوتا ہے۔گلگت میں بھی 150 فیملیز پر تحقیق کی۔ان فیملیز کا ہر ایک بچہ معذور ہے۔ہم ان کےلئے کام کرینگے۔

انہوں نے کہا کہ 14 صابن میں سے 4 صابن پروڈکٹس اسکن کےلئے خطرناک نکلیں۔ہم کسی چیز کوختم کریں گے نہ کسی کے کاروبار کوخراب کریں گے۔پلاسٹک بیگ کے استعمال پہ بھی جلد سزائیں متعین کی جائیں گی۔