نیشنل بینک قومی رینکنگ اسنوکر چیمپئن شپ 29 ستمبر سے کراچی میں شروع ہوگی، ملک بھر سے 35 کھلاڑی ان ایکشن ہونگے۔ 8 روزہ ایونٹ کے میچز نیشنل بینک اسپورٹس کمپلیکس میں ہونگے۔

اسی حوالے سے نجی ہوٹل میں پریس کانفرنس کا انعقاد ہوا، صدر پاکستان بلئرڈ اور اسنوکر ایسوسی ایشن منور حسین اور کو چئیرمین عالمگیر شیخ نے تفصیلات سے آگاہ کیا۔

عالمگیر شیخ نے کہا کہ محمد آصف کی انعامی رقم کے حوالے سے وفاقی وزیر فہمیدہ مرزا اور وزیر اعظم کو کئی خط لکھ چکے ہیں لیکن جواب نہیں آیا، آصف کی انعامی رقم کے معاملے پر اسلام آباد میں ایک بار پھر دھرنا دے سکتے ہیں۔

چیمپئن شپ کے فاتح کیوئسٹ کو ایک لاکھ روپے انعام دیا جائے گا جبکہ رنر اپ کے حصے میں 40 ہزار روپے آئیں گے۔ محمد آصف ایونٹ میں اعزاز کا دفاع کریں گے۔