Aaj TV News

BR100 4,334 Decreased By ▼ -12 (-0.28%)
BR30 22,002 Decreased By ▼ -81 (-0.37%)
KSE100 41,701 Decreased By ▼ -105 (-0.25%)
KSE30 17,606 Decreased By ▼ -53 (-0.3%)
COVID-19 TOTAL DAILY
CASES 309,581 566
DEATHS 6,451 7

اسلام آباد ہائیکورٹ نے سابق ڈی جی ایف آئی اے بشیر میمن کی پینشن روکنے کا نوٹیفیکیشن معطل کردیا۔اے جی پی آر کو بشیر میمن کی پینشن کا معاملہ دوبارہ دیکھنے کا حکم دیا گیااور 10 روز میں پینشن کے معاملے پر رپورٹ بھی طلب کرلی گئی۔

چیف جسٹس اطہر من اللہ نے سابق ڈی جی ایف آئی اے بشیر کی پینشن روکے جانے کے خلاف درخواست پر سماعت کے دوران اے جی پی آر کے نمائندے سے استفسار کیا کہ آپ کسی کی پینشن کیسے روک سکتے ہیں؟

اے جی پی آر کے وکیل نے کہا بشیر میمن نے استعفی دے دیا تھا۔

عدالت نے استفسارکیاجب آپ نے بشیر میمن کی پیشن کے تمام کاغذات مکمل کر لیے تو کس نے کہاروک دیں؟ آج تک آپ نے کیا کبھی کسی اور اتنے سینئر افسرکی پیشن روکی ہے؟استعفی تو کوئی افسر بھی دے سکتا ہے اور وہ متعلقہ اتھارٹی نے منظور بھی کیا۔

اے جی پی آر کے نمائندے نے کہا 465 بی ون کے تحت ان کی پیشن روکی گئی ہے۔

عدالت نے متعلقہ قانون پڑھنے ہدایت کرتے ہوئے کہا جو آپ رول بتا رہے ہیں وہ بشیر میمن پر اپلائی ہی نہیں ہوتا۔