Aaj TV News

BR100 4,355 Decreased By ▼ -5 (-0.12%)
BR30 22,224 Increased By ▲ 12 (0.06%)
KSE100 41,876 Increased By ▲ 47 (0.11%)
KSE30 17,674 Decreased By ▼ -23 (-0.13%)
COVID-19 TOTAL DAILY
CASES 288,047 747
DEATHS 6,162 9

لاہور میں موٹروے پر خاتون سے زیادتی کے واقعے کو 7روز بیت گئے مگر مرکزی ملزم عابد تاحال قانون کے شکنجے میں نہ آسکا،تحقیقاتی ٹیمیں ملزم کی گرفتاری کیلئے تفتیش کا سلسلہ جاری رکھے ہوئے ہیں۔

موٹروے پر خاتون سے زیادتی کا اندوہناک واقعہ 9ستمبر کو پیش آیا، 7روز گزر گئے مگر درندہ صفت ملزم کا کوئی اتہ پتہ نہیں،پولیس اور تحقیقاتی ٹیموں کی جانب سے ملزم کے اہلخانہ اور ساتھیوں سے تحقیقات کی جارہی ہیں جو ابھی تک نتیجہ خیز ثابت نہ ہوسکیں۔

پولیس نے مرکزی ملزم عابد کے ساتھی شفقت کا گذشتہ روز انسداد دہشتگردی عدالت سے 14روز کا جوڈیشل ریمانڈ حاصل کرلیا تھا،ملزم شفقت اعتراف جرم کرچکا ہے جس سے جیل میں مزید تحقیقات کا سلسلہ جاری ہے۔

ملزم عابد کے ساتھی اقبال عرف بالا مستری کو بھی پولیس حراست میں لے چکی ہے جسے آج عدالت کے روبرو پیش کئے جانے کا امکان ہےجبکہ پولیس کا کہنا ہے کہ بہت جلد ملزم عابد کو بھی گرفتار کرلیا جائے گا۔