میکسیکو سٹی: باپ اور کم سن بیٹی کی ایک دوسرے سے لپٹی لاش کی تصویر نے پوری دنیا کے دل دہلا دیئے ہیں۔

بین الاقوامی خبر رساں ادارے کے مطابق میکسیکو کے دریا کے ساحل پر پناہ گزین باپ بیٹی کی لاش ملی ہے، 2 سالہ کم سن بیٹی ولیریا اپنے باپ آسکر البرٹو مارٹینیز رامیریز کی ٹی شرٹ کے اندر منہ چھپائے پیٹھ پر سوار تھی اور باپ کے گلے میں اپنے ہاتھوں کا ہالہ بنائے ہوئے تھی۔

24 سالہ باپ نے بیٹی کو بچانے کیلئے اپنی ٹی شرٹ کے اندر چھپالیا تھا تاکہ بیٹی پانی کے تھپیڑوں سے محفوظ رہے، بیٹی بھی اپنی آخری سانسوں تک باپ کی پیٹھ پر سوار رہی اور اسی حالت میں دونوں کے دریا میں بہہ جانے سے موت واقع ہوگئی۔

"Ever since he first told me that they wanted to go, I told him not to"

Rosa Ramirez, mother of Salvadoran man who drowned with his young daughter while trying to reach US says pic.twitter.com/n0FIawgqaj

— TRT World (@trtworld) June 26, 2019

خوش قسمتی سے بچی کی 21 سالہ ماں تانیہ ونیسا کو دریا میں ایک اونچی چٹان میسر آگئی جس پر اس نے پناہ لیکر اپنی جان بچائی تاہم باپ بیٹی اپنی زندگی کی جنگ ہار گئے۔ اسی دریا سے دو مزید کم سن بچوں کی لاشیں ملی ہیں۔

واضح رہے کہ صدر ٹرمپ کی سخت پالیسیوں کے باعث میکسیکو سے امریکا میں داخل ہونے کی کوشش کرنے والے اچھے مستقبل کے متلاشی تارکین وطن کے محافظوں کے ہاتھوں گرفتار ہوجاتے ہیں یا پھر سمندر کی لہروں کی نذر ہوجاتے ہیں اور ایسے واقعات میں اضافہ دیکھنے میں آیا ہے۔